الكهرباء
الهمزاني
لولو عام 11_5_1438
الاجتياز 15_4_1438هــ
الزقدي
العجلان 20-6-1438
رياده
راقب
جياد الشام

شاعر يتغزل بقناة الجزيرة وبمقدمة الأخبار الإعلامية إيمان عياد


شاعر يتغزل بقناة الجزيرة وبمقدمة الأخبار الإعلامية إيمان عياد  


مدلول الغرير ( صحيفة عين حائل الاخبارية )

تحركت مشاعر شاعر شعبي أعجب بمقدمه أخبار قناة الجزيرة الإعلامية إيمان عياد فقام بكتابتها على لسان أحد اقاربه خلال وصف كامل له لمتابعة حضوره وطلبه لمتابعه قناة الجزيرة وما تبثه من أخبار .

أسبوع أنا بلشـان بحمود عواد
كل مايجيني قال حـط الجزيره
يقـول نبغى نتابع احـداث بغداد
سمعت عنْها اليوم حاجه خطيره
شـايب كبير ٍ واكبـر عياله عناد
مبطـي أنا وياه بالحـي جيره
رجـلّ بدوي على سما البر معتاد
وأكبر همومه كيف يعلف بعيره
وأنفض شليلي قولها حق يااجواد
كريم وافـي  كثر الله خيره
بسْ ماخبـرت أنه سياسـي ونقاد
فعـلاً يثير الشك والشك حيره
بعـد التحقـق بالقضـيه والابعاد
عرفت عنْهْ أسـرار جداً مثيره
بكشف لكم سره على شرط : أن كاد
العلم لا ياصل عجـوزه منيره
الأخ ميت فـي غلا أيمان عياد
وهذي خفايا سرّ حب الجزيره
أثريـك والله مانت هيـن يابوعناد
شرهتكْ يابوعناد  والله كبيره


11 التعليقات

إنتقل إلى نموذج التعليقات

    1. 1
      شليويح المزيون

      قايل لكم الشعب السعودي فاقد حنان

      (0) (0) الرد
    2. 2
      نبض عين حائل

      خلص حنانك مابقى الا قسووتك !!

      زوووووووجوووووو ولدنا قبل لا ينحرف ؟!؟!؟

      (0) (0) الرد
    3. 3
      سوز...

      الله الله صح لسانك

      (0) (0) الرد
    4. 4
      رد من الشاعر وائل العواجي

      و جاء الرد من الشاعر /وائل متعب العنزي

      الـي يعـرف الشـايب حمـود عـواد
                   ايمـان معـشـوقـه لرجـال غـيـره
      ترا التسامح ميـزتن بيـن الاجـواد
                    قولو له يخير ياعسى الامر خيره
      قبله ابن هندي عشق بنـت عـياد
                   مبطـي معـاهـا يلعـب المسـتديره
      هـايم بها والكبد صـامت عن الزاد
                   لاكـن مايـدري سـاكـنه بـاي ديـره
      يـتـابـع النشـره عـلى كل مـيعـاد
                   لاعـل  صـورتها  تـريـح ضـمـيره
      قلبه خضر يعشق من البيض تعداد
                          الطالـبه والعاطـله والمـديره
      ماوقفت عنده على ايمان عياد
                     على وشك تضرب فيوز الظـفيره
      رايح وطـي بين الشفايف والانهـاد
                    وخدآ يشابه نور شمس الظـهـيره
      يقووول جنب دربـهـا يابـو عــناد
                   وكان انه مصمل يـحـب الصـغـيره
      كانه ماطـاوع للنصـيحه والارشـاد
                    علمه يبي ياصـل عجـوزه منـيره

       للشاعر وائل متعب العواجي

      *منقول’

      (0) (0) الرد
    5. 5
      سعلوه حلوه

      ماهي حاصله للعيال النشاط عاد انت وسنونك اللي مخباك وتراعد تجود بعجوزك انت وهالملتوي ههههههه

      (0) (0) الرد
    6. 6
      بدوي

      سعلوة قشعت جبهته قشع وجابة العيدين

      (0) (0) الرد
    7. 7
      ابو حلا الشريهي

      شعراء مبدعين لاكن مالهم الا توضع القرعة بينهم ،،، والله يستر لاتدري منيرة

      (0) (0) الرد
    8. 8
      وافي

      الحب قطع قلوب البعارين
      حتى الحمير السود يلعن جدفها

      (0) (0) الرد
    9. 9
      وافي

      هاللي خاقين معها طلعت مسيحيه وعجوز وتوها متعافيه من السرطان

      كل ساقط وله لاقط ههههه

      (0) (0) الرد
    10. 10
      صالح الفهيقي

      يامن يعلم ليّه حمود عواد
      ‎والشاعر اللي ماخفته السريره

      أيبشره بايمان والعلم بوكاد
      ‎من مصدره ماهي علوم وثيره

      قولوا تراهي اسلمت بنت الاجواد
      ‎وهذا حلات مغازلته الاميره

      الله يثبتها على دين الاعباد
      ‎وتصير بالسنه طبينة منيره

      صالح الفهيقي

      (0) (0) الرد
    11. 11
      تركي الشرعه

      يا محلا الشاعرين… قلوبهم خضرا

      (0) (0) الرد

أضف تعليق

لن يتم نشر عنوان بريدك الإلكتروني.

*