الاجتياز 15_4_1438هــ
الزقدي
الطفل 25-4-1438
راقب
إستراحة ( واحة الأسرة )

رواية عشق وولاء للشاعر الحميدي بن صنعاء‎


رواية عشق وولاء للشاعر الحميدي بن صنعاء‎  


عبد المجيد الذياب (صحيفة عين حائل الاخبارية )

 

عشق الوطن قصيدة حب وثورة غزل  لاتنتهي فصولها ، وكان لعاطفة الشاعر ( الحميدي بن صنعاء ) الوطنيه جنونها الثائره وفصولها المترنمه ، فكانت هذه الأبيات العذبه هدية حب لوطن الحب …

ياسيدي سلمان مابه هواده
خله يموت وعلته حزم سلمان
يانصرة اﻻسلام راس القياده
بحزم وعزم ياسلايل هل الشان
للحوث والمخلوع نبغى اﻻباده
ولداعش والإرهاب الأجرب ودابان
تامر يابو فهد زعيم السياده
والشعب جاهز لأمركم كل الأحيان
ياحبنا ..  ياسيدي ..  للشهاده
شعبك سيوفك والعدو منك ينهان
ويامحمد النايف  قوي الإراده
يالصارم اللي للمهمات مزبان
عليك باللي  فيه شك  ونكاده
إدعس على راس المعادي وخوان
منك الأوامر  للصقور اعتماده
صقور محمد تدحم الموت شجعان
يالقايد المقدام فعل  وجلاده
حماك رب الكون ياذرب الإيمان
ﻻتاخذك رحمه  تبين  معاده
بعد الاصلاح اليوم شفهم بطهران
نبيلهم يوم(ن) يكتم سواده
خوارج(ن)ماترحم وسط الأوطان
سل الحسام وخل راسه وساده
تكفى يابن نايف ترى الشعب ولهان
وياليث ابن سلمان مابه ركاده
هد الحصون وﻻتراحم للعوان
عليك من جدك ملامح جهاده
وسلمان في راسك وبالكف راكان
زعيم محنك فيك عز وعباده
للواحد المعبود خلاق الأكوان
يامحمد السلمان وثق شداده
خل المعادي يكرهك طول الأزمان
واللي تنكر عن مواطن بلاده
كلب الجهنم خاين العهد شيطان
ياقايد الأبطال جيشك اعتاده
حرار قوم(ن) لأحمر الدم ميدان
معك على يمناك سيف وغماده
سلايل الفرسان صمله وفرسان

الشاعر:   الحميدي ابن صنعاء


16 التعليقات

إنتقل إلى نموذج التعليقات

    1. 1
      هيا

      صخ لسان الشاعر وتسلم عبدالمجيد

      (0) (0) الرد
    2. 2
      الشاعر سالم

      صح السان الشاعر الحميدي معروف وهذه القصيده شاهده له ونشكر الإعلامي عبدالمجيد

      (0) (0) الرد
    3. 3
      فهد الضوي

      ويامحمد النايف قوي الإراده يالصارم اللي للمهمات مزبان عليك باللي فيه شك ونكاده إدعس على راس المعادي وخوان منك الأوامر للصقور اعتماده صقور محمد تدحم الموت شجعان –

      ابيات لحالها قصيده صح السانك يالحميدي

      (0) (0) الرد
    4. 4
      ¥₩£€€

      عربي مافيه معلوم

      (0) (0) الرد
    5. 5
      ابومرضي

      الوايلي

      (0) (0) الرد
    6. 6
      ابوعزوز

      والله والهياط الفاضي تقول ولاتفعل الله يعز الدوله ويعز السلام

      (0) (0) الرد
    7. 7
      ابو يونس الصنعاء

      صح لسانك يابو عمر وشهادتي فيك مجروحه
      بتوفيق يالوافي

      (0) (0) الرد
    8. 8
      احمد

      أبيات متواضعة ولا فيه داعي لنشرها
      الله يهديك يعين حائل الي مخليه الدرعى ترعى

      (0) (0) الرد
    9. 9
      تركي

      ابيات جزله.في حب الوطن تشرف قاريها صح السانك يايالحميدي وافي من خلقك ربي

      (0) (0) الرد
    10. 10
      ابو حمود

      ابو عمر فخر لكل ووايلي
      صراحه هو من يستحق أن يطلق عليه لقب الشيخ

      (0) (0) الرد
    11. 11
      الواقعي

      الشاعر الحميدي بن العريان شاعركبيرغني عن التعريف الحقيقه الرجل له جمهوره ومشجعين ونقول كفو كفو ويكفيه شهادة ابو يونس المجروحه

      (0) (0) الرد
    12. 12
      سلطان الشمري

      صح لسانك يابو عمر ….
      ماهو غريبه من شاعرنا الحميدي بن صنعاء الإبداع ….

      (0) (0) الرد
    13. 13
      رايق

      صح لسان الشاعر

      (0) (0) الرد
    14. 14
      متابعه عن بعد

      ليس المهم القصيده برغم اهميتها وجمالها
      ولكن من وجهة نظري مايلفت الانتباه هو بروز نجم هذا الشاعر وحضوره القوي متجاوزا اغلب الرموز الشعريه وكذلك الوجهاء وتربعه على عرش النجوميه والساحه الاجتماعيه بشكل عام..مما اكسبه جماهيريه اذهلت الجميع

      (0) (0) الرد
    15. 15
      الحوت ١

      صح لسانك يابو عمر شاعر معروف ولَك التقدير والآحترام
      والمشكله من بعض التعليقات التي تأتي من غير معنى

      (0) (0) الرد
    16. 16
      مشاري العايد

      السلام عليكم
      بيض الله وجهك يابو عمر عزالله كفيت ووفيت
      نشكر صحيفة عين حايل على النشر ومن قام على نشرها
      واشكر اصحاب الردود الجميله وخاصه متابعه عن بعد عزالله تستاهل الطيب والقصيده الجزله ليتني شاعر
      وكلً رده يعكس تربيته وشخصيته

      (0) (0) الرد

أضف تعليق

لن يتم نشر عنوان بريدك الإلكتروني.