الهمزاني
لولو عام 11_5_1438
الاجتياز 15_4_1438هــ
الزقدي
العجلان 20-6-1438
رياده
راقب
إستراحة ( واحة الأسرة )

عروس الشمال


عروس الشمال  


( صحيفة عين حائل الاخبارية )

عروس الشمال

 

يستريح القلب لاهبّ الشمال=وينشرح صدري اذا شفت الجبل
بين أجا وسلمى مشاريف الجبال=إجتمعنا في دجى ليل(ن) هشل
ليلة(ن) ماهي مثل باق الليال=رفرف الخفاّق والكل إحتفل
ودامهم أعطوك ياشعري مجال=إنتهض مثل الأصيل إليا صهل
بسرج أمهار القوافي بإبتهال=وانظم القيفان والشعر الجزل
إيه أعرف إنّك هبالٍ في هبال=إن طغيت أنهيت كل غث وهزل
تِسكر عقول(ن) وتودعها ثكال=وكم صميّدع من تبهلالك زِِمل
إيتنّحى من تذمّه بإنعزال=ومن تبيه اتوّصله كوكب زحل
طال ليلي والعنا والشوق طال=وغير حايل ما ملأ عيني مَحل
دار حاتم طي وقروم العيال=منبع الأخيار في ذيك الُطلل
مارأت عيني مثل زينه جمال=إن رضى منّي عذولي أو زَعل
صيفها هايل ومرباعه خيال=وجوّها ياناس يفتلني فتل
وماالوم اللي تغنّابه وقال :=صوب حايل قلبي العاشق رَحل
ياسقى الله يوم غناّبه طلال=مالت اعذوق البختري والنفل
ديرة الأجواد وزحول الرجال=جودهم غيث(ن) تهامل وانهمل
ديرة أهل الطيب مافيهم جدال=طيبهم ديم(ن) على الوادي هطل
الله يغيثه من مزون الخيال=وترتع بغدرانه أجوال الحَجل
وعشت ياسعود السعد واف الخصال=يالأمير اللي على العليا نزل
كامل الأوصاف ولله الكمال= ضاري(ن) ساطي وزيزوم(ن) عدل
حنضل(ن) حلتيت بحلوق الحثال=وللهجافا فيّ وظلال وسهل
ارتقى بحايل طناطير(ن) عوال=قادها للمجد وكل سايح ذهل
يامعدّيها مراقيب(ن) طوال=ياهلال(ن) هل في حايل وحل
العرب لاشبّهت تضرب مثال=وانت ماتوفيك أمثال وجمل
السموحه دام أوجزت المقال=أشهد إن الشاعر ابوصفك بحل
قد سمعت ابمامضى حكمه تقال=خير قول المرء : ماقلَّ ودل !


1 التعليقات

أضف تعليق

لن يتم نشر عنوان بريدك الإلكتروني.

*